28-ноябрда Тажикстан Сангтудин-2 ГЭСинин курулушуна байланыштуу Вахш дарыясын убактылуу бууду. Ырасмий салтанатка өлкө президенти Эмомали Рахмон жана Ирандын энергетика министри Мажид Намжу катышты. Узак жылдар каражат жетпей токтоп турган курулуштун негизги каржылоочусу Иран болууда. 1980-жылдардын аягында башталган ГЭСтин курулушу Дүйшөмбү менен Ташкен арасындагы алакага тескери таасир этти. Өзбекстан ГЭС суунун тартыштыгын жаратат деп кооптонот жана анын курулушуна зарыл материалдарды тарткан поездерди Тажикстанга өткөрбөй жатат.
