Журналисттер биримдигинин төрагасы Абыдкадыр Султанбаев Коомдук телерадио корпорациясынын Байкоочу кеңешин таратууну өтүнүп президент Роза Отунбаева жана Жогорку Кеңешке кайрылуу кат жолдоду. Анда Байкоочу кеңеш түзүлгөндөн тарта эле коомчулукта ар кандай пикирлерди жаратканы, анын мүчөлөрү тажрыйбасыз, жөндөмсүз болгондуктан КТРКнын жетекчсинин тандоо боюнча биринчи сынак үзгүлтүккө учураганы айтылат. А. Султанов кайрылуусунда ушундай жагдайлардан улам өзү КТРКнын деректири үчүн сынактан баш тартканын жана Байкоочу кеңештеги Журналисттер биримдигинин өкүлүн чакыртып алганын билдирди. (EBM)
