Ош шаарында атышуу орун алган үй шаардагы мечиттердин биринин имамы Фархад Нурматовго таандык. Бул тууралуу Коопсуздук кеңештин катчысы Марат Иманкулов бүгүн маалымат жыйында билдирди. Кечээ күч органдары шаардагы Мажүрүм-Тал көчөсүндө курал бар деп шектелген үйдү текшерүү маалда ал үйдөн аскерлерге каршы ок атылган. Натыйжада куралдуу топтун 3 мүчөсү жок кылынып, дагы бирөө өзүн жардырып жиберген. Учурда ыкчам иликтөө иштери уланууда. (EBM)