Коогалаңда жабыркагандар тамак-аш жактан жардам алат

Бириккен Улуттар Уюмунун Дүйнөлүк азык-түлүк программасы июнь жана апрель окуяларында кыйыр түрдө жабыркаган 350 миң адамга кыш айларында азык-түлүк жактан каралашат. Өлкө облустарындагы жакыр үй-бүлөлөргө да байытылган ун, өсүмдүк майы өңдүү эки айлык азык-түлүгүн камдап бермекчи.

БУУнун аталган программасы Кыргызстанда 2009-жылдан тарта жаратылыш кырсыктарынан жана каатчылыктан жабыркаган элге көмөктөшүп жатат. (EBM)