Wikileaks сайты жарыялаган АКШнын дипломаттык кат-кабарларын Түркмөнстандын президенти Гурбангулы Бердимухаммедов “көп адамдарга шек тийгизген калп”, “жосунсуз кеп” деп мүнөздөдү. 2009-жылы АКШнын ошол кездеги Ашхабаддагы элчиси Сильвия Ред айым Мамлекеттик департаментке жиберген катта түркмөн президентин аты көрсөтүлбөгөн булак кеңири талдоого алган. Анда президент Бердимухаммедов АКШ, Иран, Түркияны сүйбөгөнү, Кытайга урмат-изат кылганы, ошондой эле өзбек президенти Ислам Каримов менен казак президенти Нурсултан Назарбаевди жактырбаганы айтылат.
