Бирок учууларды көзөмөлдөгөн кызматкердин иш таштоосу бүткөнүнө байланыштуу аба кызматтары кадимкидей деңгээлде көрсөтүлүүдө. Коомдук жумуштар министри Хосе Бланконун айтымында, көзөмөлдөөчүлөрдүн 97 пайызы ишке чыкты жана 162 миң жүргүнчү учурулду. Жумуш күнүнүн узактыгы жана социалдык төлөмдөр боюнча нааразы болгон көзөмөлдөөчүлөр жума күнү тегиз «ооруп» калышкан эле. Бирок өкмөт 1975-жылы диктатор Франсиско Франко өлгөндөн бери биринчи жолу чукул абал жарыялагандан кийин, алар жумуш орундарына кайтып келишти.
