72 жаш курагында мурунку ички иштер министри, көрүнүктүү коомдук ишмер, милициянын ардактуу эс алуудагы генерал-майору Жусупбек Акматов дүйнөдөн кайтты. Ал тартип коргоо органдарында иштеген маалда өзүн жогорку деңгээлдеги адис катары көрсөткөн. Жусупбек Акматов үй-бүлө куруу жана үй-бүлө тууралуу кодексинин, кылмыш жаза жана административдик жоопкерчилик кодекстеринин жана башка укуктук-нормативдик актыларын иштеп чыгууда барандуу салым кошкон инсандардын бири. Бишкектеги ИИМ академиясын түптөөдө түздөн-түз чоң салымын кошкон. Ардактуу эс алууга чыккандан кийин жаш милиция кызматкерлерине билим берип, ИИМ академиясында сабак берип келген. (ES)
