Армениянын президенти Серж Саркисян "непада Тоолуу Карабакта согуш башталып кетсе, анын эгемендигин тааный турганын" билдирди. Саркисян Москвада Жамааттык коопсуздук келишими уюмунун саммитинде сүйлөп жатып: “Эгер Тоолуу карабак проблемасын Азербайжан согуш менен чече турган болсо, биз бул региондун Бакудан көзкарандысыздыгын тааныйбыз”, - деп айтты. Ошол эле учурда, Саркисян анын өлкөсү маселенин күч менен чечилишине каршы экенин билдирди.