Салтка айланып калган бул жылдык иш –чаранын учурунда Путин Орусия эң оор экономикалык кризистен чыгып, быйыл экономиканы 3,8%дык өсүш менен аяктап жатканына басым жасары күтүлүүдө. Орус өкмөт башчысы ошондой эле соңку күндөрү Москвада орун алган окуяларга, атап айтканда улутчулдардын баш көтөрүп, милиция менен кагылышууларга барышына да токтолчудай. Анын кеңешчилеринин айтымында, Путин бул суроо -жооп учурунда 2012 –жылкы президенттик шайлоого катышар- катышпасын ачыктоосу арсар.
