Айыл маданиятын жана таланттардын өнөрүн колдоого багытталган бул фестивал ушул жылдын 19-20-декабрында Токтогул Сатылганов атындагы Улуттук филармонияда өтөт. Маданият жана маалымат министрлигинин басма сөз катчысы Назгүл Мекешова “Азаттыкка” билдиргендей, фестивалга республикадагы бардык райондордон өнөрпоздор катышып, 15 мүнөттүк программа менен ар бир район өз таланттарын көрсөтө алышат. “Айыл таланттары” аттуу I Республикалык фестивал Маданият жана маалымат министрлиги тарабынан өткөрүлүүдө. Бул иш-чара үчүн 1 миллион 860 миң сом каралган. (KKs)
