“Республика” фракциясы “Ата Журт” жана КСДП менен коалиция түздү. Бул тууралуу “Азаттыкка” “Республика” партиясынын өкүлү Кубат Болотканов билдирди. Анын айтымында, аталган фракциялар ортосунда премьер-министрликти КСДПга, Жогорку Кеңештин төрагалыгын “Ата Журт” фракциясына жана биринчи вице-премьер-министрликти “Республикага” берүү боюнча коалициялык келишим түзүлдү. Натыйжада Жогорку Кеңештин жыйыны эртең, 17-декабрда өтөт. Анда “Республика” партиясынын лидери Өмүрбек Бабанов парламенттик көпчүлүктүн курамын жарыялап, парламенттин төрагасын шайлоо болот. (KKs)