17-декабрда “Ата Журт” партиясынын парламенттик фракциясынын төрагасы, Жогорку Кеңештин төрагалыгына талапкерлиги көрсөтүлгөн Акматбек Келдибеков Кыргызстандын Жогорку Кеңешине спикер болуп шайланды. Анын талапкерлигине добуш берүүгө катышкан 116 депутаттын ичинен 101 депутат “макул” деп добуш беришти. ЖКнын убактылуу төрагасы болуп турган эң аксакал депутат Ташполот Балтабаев ("Ата Мекен" Социалисттик партиясынан) жаңы төраганы куттуктап, ордун бошотуп берди. (IJz)
