Бул туурасында парламенттин 17-декабрдагы жыйынында белгилүү болду. Натыйжада 23-декабрга чейин партиялык жана коалициялык фракциялар өз жыйындарын өткөрүшмөкчү. Парламенттин кечээки жыйыны түндүн бир оокумуна чейин созулуп, 88 депутат парламенттик көпчүлүк сунуштаган өкмөттүн курамына макулдугун берди. Депутаттар жалпы өкмөт курамына макулдугун берүү менен премьер-министрликке КСДП фракциясынын лидери Алмазбек Атамбаевдин талапкерлигин колдоого алышты. Ага чейин депуттатардын көпчүлүк добушу менен “Ата-Журт” фракциясынан депутат Ахматбек Келдибеков Жогорку Кеңештин төрагалыгына шайланган эле. (KKs)
