Түштүк Кореянын аскерий эксперттери жарыялаган докладда Пхенян үчүнчү ирет атом бомбасын сынаганга камынып жатканы айтылат. Эксперттер эки корей өлкөсүнүн ортосунда сүйлөшүүлөрдүн кайра жанданышын өтө күмөндүү деп эсептешет. Пхенян жакында эле түштүктөгү коңшусун "ыйык атом согушу" менен опузалаган болчу. Бейшемби күнү Түштүк Корея чек арага жуук райондо ири масштабдуу аскерий машыгууларды өткөрдү.
