Кыргызстан менен Азербайжан биргелешкен инвестициялык кор түзүү боюнча иш-чараларды баштоону макулдашты. Кыргыз өкмөтүнүн билдиришинче, мындай макулдашууга вице-премьер-министр Өмүрбек Бабановдун Бакуга жасаган иш сапары маалында жетишилди. Азербайжан тарап бул маселе боюнча өзүнүн адистерин 2011-жылдын февраль айында жөнөтмөй болду. Ө. Бабанов эки өлкө ортосундагы соода-экономикалык алаканы жандантуу үчүн кыргыз-азербайжан мекемелер аралык комиссиясынын алгачкы жыйынын жакынкы күндөрү уюштурууну сунуштады. (EBM)