Бул тууралуу “Кыргызгаз” мамлекеттик ишканасынын жетекчиси Тургунбек Кулмурзаев “Азаттыкка” билдирди. Анын айтымында, кыргыз тарап Өзбекстанга газдын 1 миң куб метрин 140 доллардан берүүнү сунуштап жатат. Расмий Ташкент болсо жаңы жылдан тарта 2010-жылдагы газдын 240 доллар деген баасынан 10-15 доллар гана ылдыйлатып бере турганын айткан. “Кыргызстан азырынча бааны дагы ылдайлатууну сунуштап жатат, газ тууралуу сүйлөшүүлөр жаңы жылдан тарта да улантылат, бирок өлкөдө көгүлтүр отунду берүү үзгүлтүккө учурабайт”, -дейт Т. Кулмурзаев. (EBM)
