Бул туурасында Ички иштер министрлигинен “Азаттыкка” кабарлашты. Маалыматка ылайык, майрам учурунда олуттуу укук жана мыйзам бузуулар катталган жок. Өлкө аймагында коопсуздук сактоо үчүн 7 миңден ашуун укук коргоо кызматкерлери, 12 миңдей ыктыярдуу кошуундар күзөттө турушту. Майрамга байланыштуу өлкөдөгү дээрлик бардык укук коргоо органдары 25-декабрдан бери күчөтүлгөн тартипте иштеп келишет. (KKs)
