Өлкө президенти Роза Отунбаева кыргызстандыктарды жаңы жылы менен куттуктап жатып, элди биримдикке, ынтымактуу болууга үндөдү . Ал 2010-жыл өлкөнүн эгемендик тарыхында абдан оор жыл болгонун, буга карабастан Кыргызстан парламенттик демократияга кадам таштаганын белгиледи. Ошондой эле калк өзгөрүүлөрдү күтүп жатканын айтып, абалды начарлатууну каалагандарга каршы биргеликте күрөшүү керектигин билдирди. (KKs)
