Австралиянын түндүк-чыгышын каптаган суу ташкынды ырасмий бийликтер Нух пайгамбар доорундагы топон сууга салыштырышты. Квинслэнд штатынын финанасы министри Андрю Фрезердин сөзүнчө, табигый апаат өлкөгө келтирген чыгым 900 миллион долларга чыгышы ыктымал. Азыр Австралиянын Франция жана Германиядан чоң аймагы суу астында калып, 200 миңдей адамга жабыр келтирди. 1-январда миңдеген адамдар коопсуз жайларга көчүрүлдү. Бир аял каза тапканы маалымдалды. Суу каптаган аймактардын элине аскерий тикучарлар жардам көрсөтүүдө.
