Түштүк Кореянын президенти Лии Муң-бак Түндүк Кореяга кайрылып, кандай гана агрессия болбосун, ага катуу жооп болоорун эскертти. Ошол эле учурда Лии Түндүк Корея менен диалогго дале даяр турганын айтты. Жаңы жылдык билдирүүсүндө ал: “Азыр расмий Пхеньян араздашууну сүйлөшүү менен чечкенге канчалык даяр экенин көрсөтүшү керек. Биз экономикалык жардам көрсөткөнгө даярбыз”, - деди.
