Беларуста оппозициядагы саясатчы бошотулду

Беларуста президенттик шайлоого ат салышкан оппозиция өкүлдөрүнүн бири Витал Римашевский бошотулду. Добуш берүүдөн киийн болгон нааразылык акциясы учурунда аны менен бирге президенттикке дагы 4 талапкер кармалган. Аларга массалык баш аламандык уюштуруу деген айып тагылууда. Римашевскийге Минск шаарынан кетпөө көрсөтмөсү берилди. Шайлоодо президент Александр Лукашенка жеңгени расмий жарыяланган. Бардыгы болуп 19-декабрда 600дөй киши камакка алынган.