Тажикстандын коопсуздук күчтөрү билдиргенге караганда, кечээ өлкөнүн чыгышындагы кагылышта окко учкандардын арасында өткөн сентябрда аскердик кербенге кол салууга буйрук берген Аловудин Давлатов да болду. 19-сентябрда согушкерлер аскердик кербенге кол салып, 28 аскерди өлтүрүп кетишкен. Кыргызстан менен чек ара аралаш бул аймакта андан бери 100 чакты киши набыт болду.