АКШнын Коргоо министри Роберт Гэйтс бүгүн Бээжинде кытайлык ырасмий адамдар менен кездешти. Келерки аптада Кытай президенти Ху Цзянтао Кошмо Штатарга мамлекеттик визит менен барат. Гэйтстин сөзүнчө, анын сапары Кытайдын АКШ менен аскерий байланышты калыбына келтирүүнү каалаганын күбөлөйт. Аскерий кызматташуу Кытай былтыр АКШнын Тайванга курал сатуусуна каршы болгондон кийин осолдоп кеткен эле. Өз кезегинде Вашингтонду Кытайдын аскерий кубатынын өсүп баратканы тынчсыздантат жана Кытай улуттук армиясын модернизациялоону ачык-айкын жүргүзүүсүн каалайт.
