Кабылда жанкечтилер дагы 2 кишинин канын төктү

12-январда Кабылда жанкечтинин бомба чабуулунан эки киши өлдү. Жыйырмадан ашуун адам жарадар болду. Ооганстандын Ички иштер министрлигинин өкүлү мотоциклчен жанкечти Ооган аскерлерин тартып бараткан минибуска чукул келип, өзүн жардырып жибергенин билдирди.
Ушул эле күнү Ооган жеринде НАТОнун алты жоокери курман болгону ырасмий маалымдалды. НАТОнун аскерий жетекчилиги алардын кайсы өлкөдөн экенин айткан жок.