Еврокомиссиянын президенти Жозе Мануел Барросо жетектеген өкүлдөрдүн сапары - азери газынын Европаны көздөй агышына жетишүү боюнча аракеттердин уландысы. Жаратылыш газын Европага Орусиянын аймагына кирбестен туруп алып келүүнү караган “Набукко” долбооруна Азербайжандын ири Шах Деңиз газ кенинин да тартылуусу белгиленген. Кабарларга караганда, азери бийликтери аталган кенди иштетүү боюнча контракттар кимге берилерин бир нече ай аралыгында аныктоосу мүмкүн. Азербайжандан соң Евробиримдиктин лидери газ боюнча сүйлөшүүлөрүн Ашхабадда, түркмөн жетекчилиги менен улантат.
