Еврокомиссиянын төрагасы Жозе Мануэль Баррозу жетектеген делегация кечээ Бакуда азери жетекчилигинен “жаңы куур аркылуу Европага газ жөнөтөбүз” деген убадасын алган. Баррозу менен Азербайжандын президенти Илхам Алиев тийиштүү документке кол коюшту. Эми европалык жетекчилик түркмөн жетекчилигинин да колдоосун алганга аракет кылып жатат. Евробиримдик бул эки өлкөдөн газды Европага жеткирчү “Түштүк агым” куурун иштетүүнү самап жүрөт.
