2010-жылы Польшанын президенти бараткан учак 10-апрелде Смоленскинин жанында кырсыкка учураганда ичиндеги бардык 96 киши набыт болгон. Польшалык тергөөчүлөр Орусиянын аба кыймылын көзөмөлдөгөндөр менен сүйлөшүүнү жарыялашты. Тергөөчү Мирослав Грошовскийдин сөзү боюнча, кыйроого бир мүнөт калганда учак өз багытынан 130 метр өйдөлөп, 80 метр кыйгачтап кеткен, бирок көзөмөлдөөчүлөр "багытты тууралагыла" деп кеңеш берүүнүн ордуна, "учак туура багытта баратат" деп айтышкан.
