Ош облусунун Кара-Суу шаарындагы мечитинин имамы Рашод Камоловдун иниси Рашид Камоловдун “Азаттыкка” билдиришинче, анын агасы кармалган жок. Болгону милицияга сурак берип чыкты. Ал эми Ички иштер министрлиги менен Улуттук коопсуздук боюнча мамлекеттик комитет Рашод Камоловдун кармалган-кармалбаганы туурасында маалымат жок экендигин билдиришти. 18-январда Кара-Суу шаарындагы мечиттин имамы Рашод Камоловдун Бишкектеги “Манас” аба майданында укук коргоо кызматкерлери тарабынан кармалганы кабарланган болчу. (KKs)
