Жалал-Абад облустук соттук коллегиясы беш соттолуучунун доо арызын 25-январда караганы жатат. Буга чейин Жалал-Абад шаардык соту айыпталуучулардын бирин 16 жылга, экинчисин 10 жылга эркинен ажыраткан. Калган үч соттолуучунун ар бири шарттуу түрдө үч жылга кесилген. Аларга 13-июнда Жалал-Абад шаарында массалык баш аламандыкка катышкан, улуттар аралык араздашууну козуткан жана шаардагы “Кыргыз Республикасы” же “Красин” көчөсүндөгү эки милиция кызматкеринин өлүмүнө катыштыгы бар деп айып тагылган. Бул туурасында "Азаттыктын" аймактык кабарчысы билдирди.(AzK)
