Ош жана Жалал-Абад шаарларын кайра калыбына келтирүү боюнча мамлекеттик дирекция түштүктү калыбына келтирүү боюнча коомдук угуу өткөрөт. Анда дирекциянын былтыркы аткарган иштери жана 2011-жылдагы пландары талкууга алынат. Иш-чара бүгүн Ош шаарындагы Рыспай Абдыкадыров атындагы филармонияда өтмөкчү. Расмий маалымат боюнча, июнь коогасында түштүктө эки миңден ашуун турак-жай талкаланган, алардын 80 пайызы таптакыр жараксыз деп табылган. (EBM)
