Полиция болсо бүгүн эч кандай акцияларга уруксат берилбей турганын, муну укпагандар камакка алынаарын эскертти. Кечээ Каирде өлкөнү дээрлик 30 жылдан бери башкарып келаткан президент Хосни Мубарактын бийликтен кетишин талап кылган ири демонстрация өттү. Анын катышуучулары менен полиция кагылыша кетип, башаламандыктарда бир полисмен көз жумду, эки демонстрант жаракат алды. Өзүн “6-апрель кыймылы” деп атаган жаштардын тобу массалык нааразылык акциясына элди интернеттеги “Facebook” жана “Twitter” сайттары аркылуу чакырган.
