Каржы министри Чоробек Имашев өз эрки менен кызматтан кетүү тууралуу аразын жазды. Бул маалыматты “Азаттыкка” министрликтин басма сөз катчысы Бегайым Сатыбалдиева тастыктады. Маалыматка ылайык, министрдин мындай чечимине парламенттеги профилдик комитеттер менен конструктивдүү мамиленин болбогону себеп болгон. Чоробек Имашев кайрылуусунда өзүнүн тажрыйбасын жана билимин жемиштүү колдоно ала турган башка тармакта иштөөнү каалаганын билдирген. (KKs)
