Каирде азербайжандык дипломат октон набыт болду

Каирдеги массалык баш аламандык маалында Азербайжан элчилигинин кызматкери Нижат Гожаевге ок тийип көз жумганын Бакыдагы Тышкы иштер министрлигинен «Интерфакс» агенттигине билдиришкен.

Буга чейин азербайжан элчилиги Египеттен өз жарандарын чыгарып кетүүгө камынып жаткан. Жекшембиде Каирге атайын учак келип конду.

АКШ дагы өз жарандарын Египеттен шашылыш чыгып кетүүгө чакырды.

Египеттеги массалык толкундоолор маалында ондогон адамдар мерт, миңден ашуун киши жарадар болду.