Вашингтон Египетте “эркин жана калыс шайлоо” өткөрүүгө үндөдү. Бирок Мубарак ага катышышы керекпи деген суроого өз оюн билдирген жок. Ак Үйдүн маалымат катчысы Роберт Гиббс жаңы өкмөт дайындоо менен маселелер чечилбейт, чечкиндүү аракеттер талап кылынууда деди. Гиббс АКШнын Каирдеги элчилиги опопзициянын лидери Мухаммед Эл Барадеи менен байланышкан эмес деп айтты. Европа Биримдиги Египет бийлигин оппозиция менен сүйлөшүүлөр үстөлүнө отурууга, туткундалган демонстранттарды азат кылууга, демократияга карай кадам таштоого чакырды.
