Бүгүн Орусия Федерациясынын биринчи президенти Борис Ельцин 80 жашка чыкмак. Екатеринбург шаарында Ельцинге эстелик ачылды. Президент Дмитрий Медведев салтанатта маркумду 1990-жылдардын башында бардык кыйынчылыктарга карабай Орусияны демократиячыл жолдо “ишенимдүү жана бекем” кармаганын белгиледи. Ельцин 1991-1999-жылдары президенттик кылып, ордуна мураскер катары Владимир Путинди калтырып кеткен. Ал 2007-жылы апрелде 76 жашында көз жумган.