"Челси" футбол командасы испаниялык Фернандо Торрести 80 миллион долларга сатып алды. Торрес "Ливерпулда" 3 жарым жыл ойноп, 142 матчта 81 гол киргизген. Дүйнөнүн жана Европанын чемпиону Торрес Чемпиондор лигасын утуп алгысы келет жана бул жагынан "Челсиге" үмүт артат. Абрамовичтин командасы буга чейин аны 35 миллион фунтка сатып алууну сунуш кылып, бирок "Ливерпул" аны четке каккан. "Ливерпулдун" күйөрмандары болсо нааразылык иретинде Торрестин футболкаларын өрттөп салышты.
