Бүгүн Кыргызстандын өкмөт башчысы Алмазбек Атамбаевдин Түркиянын премьер-министри Режеп Тайып Эрдоган менен жолугушуусунда биргелешкен билдирүүгө кол коюлду. Кыргыз өкмөтүнүн маалымат кызматы кабарлагандай, билдирүүдө тараптардын эки өлкө ортосундагы ар тараптуу алака-катышты мындан ары өнүктүрүү ниеттери айтылган. Эрдоган Кыргызстанга кечээ түндө учуп келди, аны коштоп келген түрк ишкерлери “Кыргызстан-Түркия” деген бизнес форумга катышып жатышат. (EBM)
