1-вице-премьер-министр Өмүрбек Бабановдун бүгүнкү маалымат жыйынында билдиргени боюнча, бул иш планы өлкөдөгү кырдаалдын жана социалдык-экономикалык өнүгүүнүн туруктуулугун камсыз кылуу максатында түзүлдү. Анын айтуусунда, планда “коомчулуктун коопсуздугун камсыздоо жана кылмыш дүйнөсү менен күрөшүү; Кыргызстанда жашаган элдин биримдигин камсыздоо, жарандардын укугун жана эркиндигин сактоо кепилдиги, социалдык туруктуулукту колдоо; мамлекеттик башкаруунун сапатын жогорулатуу; ишкерликти жакшыртуу; коррупцияны төмөндөтүү жана бюджет кирешесин көтөрүү” тууралуу 2011-жылы аткарыла турган иш-чаралар камтылган. Өмүрбек Бабанов бул иш-чаралардын ишке ашырылуусу катуу көзөмөлгө алынарын бекемдеди.(ZKo)