Кыргызстандын премьер-министри Алмазбек Атамбаев менен казак президенти Нурсултан Назарбаевдин 4-февралдагы жолугушуусунда эки тараптуу кызматташтыктын абалы талкууланды. Эки өлкөнүн ортосундагы экономика, соода жана маданият багытындагы мамилелерди жандандырууга да көңүл бурулду. Өкмөттүн басма сөз кызматы маалымдагандай, сүйлөшүүлөрдө Бишкекте казак бизнесмендеринин катышуусундагы эл аралык экономикалык форум өткөрүлөрү белгилүү болду. (KKs)
