Мамлекеттик «Казакстанская газета» басылмасы бүгүн чукул шайлоо 3-апрелде өтө тургандыгын маалымдады. Кызмат мөөнөтүнүн аяктааарына эки жылдай убакыт калган президент Нурсултан Назарбаев ушул аптада чукул шайлоо өткөрүү тууралуу мыйзамга кол койду. Совет мамлекети кулай электе жумурияттагы бийликке келген 70 жаштагы Назарбаев быйылкы апрелдеги шайлоодо жеңип чыгып, Борбор Азиянын эң ири өлкөсүн башкарууну уланта берет ко деген жоромолдор айтылууда. Казак оппозициясы болсо туңгуч президент эми жаңы муунга орун бошотушу керек деген талабын билдирип келет.
