Орусиянын Белгород шаардык бийлиги тийиштүү буйрукту жергиликтүү мектептерге, жогорку окуу жайларына жана башка муниципиалдык ишканаларга таркатты. Мэрия мунун себебин “католиктердин Ысык Валентиндин күнү, Хеллоуин сыяктуу майрамдары орус маданиятына туура келбей турганы” менен түшүндүрдү. Белгород облус администрациясынын расмий өкүлү Григорий Болотнов “бул майрамдар жаштарды бузат” деп эсептей турганын жашырбады. Буйрукка ылайык, 14-февралда Сүйүшкөндөр күнү эч жерде белгиленбейт.
