АКШда сенатор Ричард Лугар Молдова менен соода-сатык алакаларына киргизилген чектөөнү алып салууну сунуштады. Бул боюнча тийиштүү мыйзам долбоорун Лугар 8-февралда Сенаттын эл аралык мамилелер комитетине тапшырды. Долбоор комитетте каралгандан кийин, Сенаттын жалпы жыйынында добуш берүүгө коюлат. 1975-жылы Америка Кошмо Штаттары СССР жана социалисттик блоктогу бир топ өлкөлөр менен кызматташууга чектөө койгон.
