Биринчиси: Ички иштер министрлигинин укуктарын кыскартып, коркутуп-үркүтүүнү, журналисттерди, жарандык коомдун өкүлдөрүн жана саясатчыларды камоону токтотуу, сөз эркиндигине жана эркин жыйналууга уруксат берүү. Экинчиси: өзгөчө кырдаал мыйзамын алып салуу. Үчүнчүсү: улуттук диалогдун алкагында бийлик менен оппозициянын сүйлөшүүлөрүн өткөрүп, демократияга өтүүнүн планын иштеп чыгуу. Бул сунуштарды АКШ менен Египеттин вице-президенттери Жо Байден менен Омар Сулейман телефон аркылуу сүйлөшкөндө талкуулашканы кабарланды.
Египетте президент Хосни Мубарактын бийликтен кетишин талап кылган демонстрациялар дале уланууда. Кечээ (8-февралда) Каирдеги борбордук аянтка 250 миңдей киши чогулду. Омар Сулейман болсо бүгүн демонстрацияларды заматта токтотууну, президент Мубарак сентябрга чейин баары бир бийликтен кетпей турганын айтты.
Египетте президент Хосни Мубарактын бийликтен кетишин талап кылган демонстрациялар дале уланууда. Кечээ (8-февралда) Каирдеги борбордук аянтка 250 миңдей киши чогулду. Омар Сулейман болсо бүгүн демонстрацияларды заматта токтотууну, президент Мубарак сентябрга чейин баары бир бийликтен кетпей турганын айтты.
