Нью-Йорк жана Франкфурт биржалары биригет

Дүйнөдөгү эки чоң Нью-Йорк (NYSE) жана Франкфурт (Deutsche Borse) баалуу кагаздар биржалары өз ара биригүү тууралуу сүйлөшүүлөрдү жүргүзүүдө.

Адистердин айтуусунда, эки биржанын биригүүсү жүздөгөн миллион доллардык каражатты үнөмдөөгө, глобалдык баалуу кагаздар базарында платформа издегендерди өзүнө тартууга мүмкүнчүлүк берет.

Франкфурт биржасы - биргелешкен ишканада көпчүлүк пакеттин ээси болот. АКШ конгресси жаңы биржаны көзөмөлдөөнү немис компаниясына берүүгө каршы болушу ыктымал экени айтылууда.