Борбор Азиядагы Евразия фонду (БАЭФ) Кыргызстан, Казакстан жана Тажикстанда иликтөө жүргүзүп, аталган мамлекеттердин жарандары өз проблемалары менен сотко же укук коргоо органдарына чанда гана кайрыларын, кайрылса да акыйкат чечим чыгарылышына ишенбей турганын аныктады. Айрыкча алардын арасында аялдар, элеттик тургундар, жаштар жана мүмкүнчүлүгү чектелген адамдар басымдуулук кылат. Иликтөөгө Борбор Азиядагы үч мамлекеттен 2 миң киши катышкан. (EBM)
