14-февралда Кыргызстандын тышкы иштер министри Руслан Казакбаев Түштүк Кореянын Тышкы иштер жана соода министрлигинин өкүлү Мун Ха Ёнг менен жолугушту. Жолугушууда тараптар эки өлкөнүн алака-катышына байланышкан маселелерди талкуулады. Мун Ха Ёнг корей өкмөтү Кыргызстандагы мамлекеттик кызматкерлерге Түштүк Кореяда билимин өркүндөтүү үчүн жыл сайын берилген орундарды көбөйтүү ниети бар экенин айтты. Руслан Казакбаев кыргыз-корей өкмөттөр аралык комиссия аркылуу ишкер долбоорлорду координациялоону күчөтүү керектигин, Кыргызстанда эки өлкөнүн ишкерлеринин катышуусунда Түштүк Кореянын соода-өндүрүш көргөзмөсүн уюштурууну сунуштады. Бул тууралуу ТИМ билдирди. (EBM)
