Беларус соту оппозиция активисти Василий Парфеновду "коомдук тартипти бузду" деп, 4 жылга кести. 28 жаштагы активист жана 30 адам былтыр 19-декабрдагы талаштуу президенттик шайлоодо Александр Лукашенконун кайра шайланышына каршы Минскиде өткөн демонстрациядан кийин кармалган. Беларустун Хелсинки комитетинин башчысы Олег Гуляк соттун өкүмүн “саясый буйрутманы аткаруу” деп сыпаттады. Мамлекеттик департаменттин өкүлү Марк Тонердин билдиришинче, АКШ Минскидеги сот жараянын Беларус режиминин “дагы бир жосунсуз кадамы” деп баалайт.
