Мамлекеттик желекти желбиреткен миңдеген жарандар Каирдин борборунда чогулуп, Хосни Мубарактын бийлиги кулаганына бир жумалыгын белгилеп жатышат. Алар өлкөдөгү бийликти өз колуна алган Аскердик кеңештен саясий туткундарды түрмөдөн бошотуу, өзгөчө кырдаалды жоюу, калыс шайлоо өткөрүүнү талап кылышты. 30 жылдай бийликте туруп, элдин кысымы алдында чегинген Мубарактын жактоочулары “Жеңиш маршына” атаандаш акция өткөрүүнү белгилешкен.
