Алдыңкы 20 өлкөнүн каржы министрлери Парижде чогулуп, азык-түлүктүн баасын ооздуктоо жолдорун талкуулап жатышат. Дүйнөлүк банктын өкүлдөрү да катышып жаткан жыйынды утурлай таратылган маалыматта тамак-аштын баасы кескин кымбаттап кетиши Жакынкы Чыгыштагы элдик толкундоолорго шыкак болгону айтылат. Дүйнөлүк азык-түлүк жана айыл-чарба уюму январ айында тамак-аштын баасы эң жогорку тарыхый чекке жеткенин билдирди.
