“Газпромнефть-Аэро-Кыргызстан” деп аталган биргелешкен кыргыз-орус ишканасын түзүү тууралуу келишимге бүгүн Бишкекте кол коюлду. Документке кыргызстандык май куюучу "Манас" комплекси жана орусиялык “Газпромнефть-Аэро” компаниясы кол коюшту. Ушул айдын башында кыргыз тарап АКШ өкүлдөрү менен Транзиттик борбордун кара майга муктаждыгынын 50%ын Кыргызстан тандаган ишкана камсыздайт деп макулдашкан. Биринчи вице-премьер Өмүрбек Бабанов биргелешкен ишкананын 51 пайызы Орусия тараптыкы, 49 пайызы Кыргызстан тараптыкы боло турганын маалымдаган.